కేంద్ర విద్యాశాఖ 2023 అక్టోబర్లో ప్రవేశపెట్టిన APAAR ID (Automated Permanent Academic Account Registry) విద్యార్థుల కోసం ఒక ప్రత్యేక డిజిటల్ ఐడి. దీనిని “One Nation, One Student ID” అని కూడా అంటారు. ఇది జాతీయ విద్యా విధానం (NEP 2020) మరియు నేషనల్ క్రెడిట్ అండ్ క్వాలిఫికేషన్ ఫ్రేమ్వర్క్ (NCrF) ప్రకారం రూపొందించబడింది.
APAAR ID అంటే ఏమిటి?
APAAR ID అనేది ప్రతి విద్యార్థికి ఇచ్చే 12 అంకెల ప్రత్యేక గుర్తింపు సంఖ్య. ఈ ఐడి ద్వారా విద్యార్థి చదివిన తరగతులు, మార్కుల పట్టాలు, సర్టిఫికెట్లు, అవార్డులు, ఇతర విద్యా విజయాలు అన్నీ ఒకే చోట డిజిటల్ రూపంలో భద్రపరచబడతాయి. ఆధార్ కార్డు లాగానే ఇది కూడా ఒక ప్రత్యేక గుర్తింపు వ్యవస్థ.
APAAR ID ప్రయోజనాలు ఏమిటి?
APAAR ID ఉంటే విద్యార్థులు తమ సర్టిఫికెట్లు, మార్కుల మెమోలు వంటి పత్రాలను ఫిజికల్గా తీసుకెళ్లాల్సిన అవసరం ఉండదు. అవసరమైనప్పుడు కేవలం 12 అంకెల APAAR ID నంబర్ ఇస్తే సరిపోతుంది. సంబంధిత కాలేజీలు లేదా సంస్థలు ఆన్లైన్లో మీ విద్యా వివరాలను చూసుకోవచ్చు.
ఇది డూప్లికేట్ రికార్డులు తగ్గించడంలో సహాయపడుతుంది. మోసాలను నివారించడంలో కూడా ఉపయోగపడుతుంది. విద్యార్థులు ఒక పాఠశాల నుంచి మరొక పాఠశాలకు లేదా ఉన్నత విద్యాసంస్థలకు మారినప్పుడు రికార్డుల బదిలీ సులభమవుతుంది. ఉద్యోగాలకు దరఖాస్తు చేసుకునేటప్పుడు, ప్రవేశ పరీక్షలు రాసేటప్పుడు కూడా ఈ ఐడిని ఉపయోగించవచ్చు.
APAAR ID ఎలా సృష్టించాలి?
1. ముందుగా విద్యార్థి UDISE+ (Unified District Information System for Education Plus)లో రిజిస్టర్ అయి ఉండాలి.
2. పాఠశాలలో మీ వ్యక్తిగత వివరాలను ధృవీకరించాలి.
3. మైనర్ అయితే తల్లిదండ్రుల సమ్మతి అవసరం.
4. పాఠశాల ద్వారా ఆధార్ మరియు ఇతర వివరాలు ధృవీకరించబడతాయి.
5. అన్ని వివరాలు సరైగా ఉంటే 12 అంకెల APAAR ID రూపొందుతుంది.
6. ఈ ఐడి ఆటోమేటిక్గా DigiLocker ఖాతాలో జమ అవుతుంది.
అర్హతలు ఏమిటి?
విద్యార్థి పేరు ఆధార్ కార్డులో ఉన్న విధంగానే UDISE+ రికార్డుల్లో ఉండాలి.విద్యార్థికి Permanent Education Number (PEN) ఉండాలి.
ఎందుకు అవసరం?
APAAR ID వల్ల విద్యార్థుల విద్యా ప్రయాణం సులభమవుతుంది. సర్టిఫికెట్లు పోయే ప్రమాదం ఉండదు. డిజిటల్గా అన్ని రికార్డులు సురక్షితంగా నిల్వ ఉంటాయి. భవిష్యత్తులో ఉన్నత విద్య, ఉద్యోగాలు, స్కిల్లింగ్ కోర్సులకు ఇది ఎంతో ఉపయోగకరంగా ఉంటుంది.సంక్షిప్తంగా చెప్పాలంటే, APAAR ID ప్రతి విద్యార్థికి ఒక డిజిటల్ అకడమిక్ పాస్పోర్ట్ లాంటిది.
https://varthaprabhanjanam.com/web-stories/thamalapaku-uses-in-telugu-indian-betel-leaf-benefits/
